«2020 – ՅԱՏՈՒԿ ԽՆԱՄՔԻ ԿԱՐՕՏ ՀԱՅՈՐԴԻՆԵՐՈՒ ՏԱՐԻ»
Կիրակի, 19 յունուար 2020, սուրբ պատարագի ընթացքին, Լիբանանի Հայոց թեմի բոլոր եկեղեցիներուն մէջ պիտի ընթերցուի Ն.Ս.Օ.Տ.Տ. Արամ Ա. կաթողիկոսի «2020 – ՅԱՏՈՒԿ ԽՆԱՄՔԻ ԿԱՐՕՏ ՀԱՅՈՐԴԻՆԵՐՈՒ ՏԱՐԻ» հայրապետական պատգամը։
Կը հրաւիրենք մեր հաւատացեալ ժողովուրդը ականջալուր դառնալու վեհափառ հայրապետի մտածումներուն եւ անդրադառնալու յատուկ խնամքի կարօտ հայորդիներուն հանդէպ բոլորիս ցուցաբերելիք ուշադրութեան եւ հոգածութեան։
ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ