Book Presentation

Երաժշտական Ընթերցանություն

Լուսինե Խաչատրյան

Registration

26 sept. 2026 7:00 PM

Lindenstraße 12, 14467 Potsdam

Berlin - Germany

Սիրելի՛ հայրենակիցներ,

Սեպտեմբերի 26-ին, ժամը 19:00-ին, սիրով հրավիրում ենք Ձեզ Պոտսդամ՝ մասնակցելու մի յուրահատուկ երաժշտական-բեմական ընթերցանության երեկոյի։

📍 Lindenstraße 12, 14467 Potsdam

Հոգեբան և գրող Մանե Ռուշը կկարդա և կպատմի իր մրցանակակիր «100 արտահայտություն, որոնք կփոխեն Ձեր կյանքը» գրքից՝ կյանքի մասին պատմություններ, որոնք հրավիրում են մտածելու, զգալու և մի պահ կանգ առնելու։

Միջազգային ճանաչում ունեցող հայ դաշնակահարուհի Լուսինե Խաչատրյանը այս պատմություններին երաժշտական ուղեկցություն կհաղորդի՝ շարունակելով և մեկնաբանելով դրանք երաժշտության միջոցով։ Կոմիտաս Վարդապետի, Արամ Խաչատրյանի, Առնո Բաբաջանյանի և այլ հայ կոմպոզիտորների ստեղծագործությունների միջոցով կստեղծվի յուրահատուկ երկխոսություն խոսքի և երաժշտության միջև։

Սա երկու արվեստագետների առաջին համագործակցությունն է․ երեկոն ստեղծվել է հատուկ մեր հայ հայրենակիցների և հայախոս հյուրերի համար և կանցկացվի բացառապես հայերեն լեզվով։

Մանե Ռուշը գրող և հոգեբան է, Համահայկական գրողների միության անդամ։ Նրա գիրքն արժանացել է «Տարվա լավագույն գիրք» մրցանակին։

Լուսինե Խաչատրյանը միջազգային ճանաչում ունեցող հայ դաշնակահարուհի և ECHO Klassik մրցանակի դափնեկիր է։ Նա համերգներով հանդես է գալիս աշխարհի հայտնի դահլիճներում, այդ թվում՝ Նյու Յորքի Carnegie Hall-ում, Ամստերդամի Concertgebouw-ում, Լոնդոնի Wigmore Hall-ում և Փարիզի Լուվրում, և «Դաշնամուրային թատրոն» արվեստի ձևի ստեղծողն է։

Տեղերը սահմանափակ են՝ ընդամենը 45 հյուրի համար։ Նախնական գրանցումը պարտադիր է։

📱 WhatsApp՝ +49 176 25092191 

📧 E-mail՝ piano@lusinekhachatryan.com

Գրանցվելու համար պարզապես ուղարկեք Ձեր անունը և ազգանունը։

Տոմսի արժեքը յուրաքանչյուր հյուր որոշում է ինքնուրույն՝ իր հայեցողությամբ։

Մեծ սիրով սպասում ենք Ձեզ՝ այս յուրահատուկ երեկոն միասին անցկացնելու։

Registration